Kaise Likhdun Kuchh Bhi

Maine jeevan mein andhkar dekha,

Kaise use ujala likhun?

Jisne khade khade kapkapi di

Kaise use sahara likhun?

Jise kabhi aankh bhar dekha nahi,

Kaise use deedar likhun?

Jab mila dukh mila,

Kaise use uphaar likhun?

Din mein hua judaai ka ehsaas,

Kaise use bahaar likhun?

Raat mein hua yadon ka aghaas

Kaise use tyohaar likhun?

Dhire dhire bikharne laga kajal

Kaise use main roop likhun?

Suraj ki roshni ko khyalon ne ghera

Kaise use main dhoop likhun?

Itna sab hoke bhi sabhi se hasi boli

Kaise jeevan ko takraar likhun?

Par jo hua uska kya

Kaise sitmo ko pyaar likhun?